Laimi le Capo I

“A sense of humor is part of the art of leadership, of getting along with people, of getting things done”

Dwight David Eisenhower

“I think the next best things to solving a problem is finding some humor in it”

Frank A. Clark

“laughter is the best medicine” tiah Reader digest ah an ttial theu. ‘Nih’ hi ngandam nak si ttha bik asi ti nak asi. ‘Sii’ ttha bik asi tak ko ah cun ‘ziah’ kan din peng ko lo i? Aman le um fawn lo…awh…tuak set ah cun a um men ko lai na’n, mah te’n nih, mirh zuai khawh asi ko ti khi chim duh mi asi. Pathian siam mi Saram phun lak ah minung lawng hi ‘nih’ hmang mi kan si ko rua…Saram te hna an nih cu a um ve men ko lai na’n, Kartun chung dah ti lo, an nih lio ngai hmuh khawh an si lo. Cun, an nii ti awk zong an I hngal lo. Cun, Lairam ah hin khuakip ah Capo chim thiam hi theih lengmang an si, cu hna cu an sin um zong a nuam I an kan lawmh ter. Thantlang peng hna ah cun ‘Farrawn’ ti ah cun capo chim an thiam lai ti in ruah colh an si. Si zong cu asi pah tak ko.

Farrawn capo tlawmpal:-

“Bawi Jesuh an tlaih lio ah khan Farrawn nu pa 3 um hna seh law an luatter khawh lai an ti tawn mi kha, Farrawn nu pakhat um ah cun a za ko. A sual lo mi tham cu a khamh khawh ko lai” tiah an ti..:)

Pakhat nu nih ar thah ding ah adawi lengmang na’n aphan kho ti lo i “Cu ar te cu ka dawi tak tak sual lai ee” ati…

Pakhat pa cu ‘Ser’ le ‘theithu’ (Thingthei a thur mi an si) a ei lengmang I, an Vok kawm ah a ek ek. An Vokpi nih a ei piak I, Vokpi cu ni 3 chung bak a ha zaa an ti..:)

Kawidua hna ti lianh lio ah khual an tlawng I ti tan ding an si. Ti lioh thiam pa nih ‘thih na ttih maw’ tiah a hal. ‘Tih hlah’ tiah ti thiam lo pa nih a leh. Si le ati I, khatlei ral tiang chuak lak in ti cu a lioh tak. Ti thiam lo pa cu a vun ipaih ve I a fenh thlauhmah. ‘Ka chanh law’ tiah a au..’aa thih ka ttih loh na ti ko khah, poi lo cuh’ a hei ti. Ti tla pa nih “thih cu ka ttih khe ttung lo, ti fenh pei ka ttih ko cu’ ati an ti..:)

Capo chim hi a thiam mi te nih an chim ko ah khin kan ni duh khun. Kan theihcia mi zong an kan chimh chung poh cu ka nii. Asi na’n, nih nak hi ruahset ah cun aho poh nih chim thiam le midang nih ter khawh I mah zong nih leng mang khawh asi ko. Nitin te kan um kal nak ah hirha zaang te’n kan um I, nih khawh asi nak lei kap I kan laak lengmang zong a bia pi ve. Cu lo ah cun, chun nitlak hi a sau tuk lai..:)