Thinhang bello le Ingpuang bello hi kan um lo. A tamhmawih thiam le thiamlo tu asi rua. Cuti ttamhmawih thiam cu teitu an si ti khawh asi. Zei ca tiah zoh dawh tein an thinhang i upat an hlawh. Civilization nih ai timhmi muru pakhat zong asi pah ve ti khawh asi.
Nihin cu chunhnu hrawng khin Immigration zung kal kai thawh. 4pm hlan deuh i ka phanh poh ah cun ka thil tuah ding tlamtlinh manh asi ko tiah hnangam in tlai deuh kai thawh cu asi. Shinagawa Station(Immgration zung umnak) ka phanh hi 3:45 asi cang caah Taxi ka hlan i 3:50 hrawng phan kho dingin kai ruah. Azei bia!!! Taxi mawng pa cu hika hrawng hi ka hmunhma asi lo caah ati i a GPS te izoh pah buin a kal. 4pm asi tiang ah a ka phanhpi kho bak lo cu e. Na ka hloh bak ka ti i, biafak nawn, aw neem ttung, bia nek nawn in ka zai hnawh len. Kalsan tlai ti lo asi tiah, kir ko ne ka ti i Station lei cu kan panh tthan. Ka hmai a ka khaplo tuk ah Yen 2500 hrawng dih ding aman liam hlah a ka ti. Tuhnu cu na theih fianlo nak hmun le keimah bantuk thil biapi deuh na ton hna ah cun, sorry midang hlang ko uh van ti cang hna ka ti i kan itthen. Ka chunglei thinhan te cu a dam kho lo. Aka ciah deuhdeuh.
Ka ruah tthan tik ah keimah tu ka rak palh diam ai. Mifanau, thei ve na lo bu in heh tiah ai zuam len ve ko mi, bianek in ka hei ti len! Acaan, datsi, lungnuamh lo, hmaikhah lo etc.. pin ah ka bianek..aw...misual cu keimah heih kasi ko hi. Ka thinhan mi nih zeihmanh thleng kho len fawn hlah! Ahnu deuh i kairuah tik ah ni ngzak ngai ka si ti hi kai hmu ko nain, ka thin han caan le Ingpuan caan thengte ah khin kai remh hlei tawn fawn rua lo!!!
Micheu cu thinhan caan ah aukhuan, hrocer kan hmang. Bia fakfak le fahsak ding bia chim kan hmang ngai fawn hna. Ttha te ruah tthan ah cun, thinhang mi hi mi zaangfak taktak kan rak si. Vulei ai dawhnak a hmu kho lo i dam man ngei lo tluk khi kan si tikhawh asi. Hi bantuk 'Dak' tiah thinphawh hmannak hi zeitin dah kai remh khawh lai ti hi caansau nawn ka rak ruat bal cang nain kai harh ngaingai rih.
Lai egroups tete ah hin heh tiah bia fak ttial hmang um ttheu asi tawn. Hi bantuk caan ah hin, upa cheu khat cu zohdawh tein an thinhan nak an langhter tawn i kai tthathnem pi ngai tawn. Upa pakhat ka rak hal bel. Na biachim le cattial tete hi hawi nih kan in tluk lo nak te a um. Zeitin dah asi tiah ka rak hal. A ka lehmi cu, ka hmet lio ah Sunday school kai ka tlolh
bello. Cun, ka nu le pa nih chungkhar pumhnak an rak kan tuahpi peng i, ka pa nih a kan cawnpiak tawn, cu ruang ah cun tampi asi tiah a rak ka leh. Ka colhlan ngaingai mi bia asi. Rak itthanpi mi nunning le sining hi thinhan caan ah chuahter thiam le thiamlo arak si ngai te.
Nun hi cawn peng hau asi. Cawn ti cu palhmi remh tthan lengmang khi asi fawn. Cuti si ah zeiruang bik ah dah kan thin hi a han? Ttha te van zohtthan ah cun,
1. Mah zawn lawng ruah hman nak ruang ah
2. Lungput thurhnawn cia i um ruang ah
3. Chunglei i a um mi thilttha tlawm tuk ruang
4. Hnulei zoh khawhlo le hmailei hmuh khawh chung lo ruang ah etc..
ti zong ah ruahnak fun khawh asi hnga.
Bia ngaite ti ah cun, caan tawite nunchung i a thin hang lengmang mi si hi cu rak duh ding hrim asi loh. Mi zaangfak tuk kan rak si hrim. Nuamte, panh zirziar te, lungthin thiang te a um mi cu an idawh tuk pin ah duh an nung tuk. Bible nih mah le mah uk khawhnak ati mi khi duak tiah voikhat ah hmuh cu sidawh asi rua loh. Cawn hau asi. Phil. 4:12 chung i Paul nih nuncan ka thiam cang, zei ca tiah 'cawnpiak' ka si caah ti khi Greek ah cun, μυέω ti asi i cawn cikcek ti khawh asi hnga. A um tu ning cu, Sui an huut i a hnawmmi mei i an khangh cikcek hnu ah sui tthatnak te a tan bantuk i, zirza lei nuncan remhnak lei khi hoih dawh asi.
Cu caah cun, nun hi cawng peng itimh ding zong asi. Kei zong mah le mah i uk khawhnak, thinhan ingpuan thiam te hna hi biatak in khuaruah, thlacamnak he lamthar ka zawh a hau cang ti hi ka fiang chin lengmang.
Nihin cu chunhnu hrawng khin Immigration zung kal kai thawh. 4pm hlan deuh i ka phanh poh ah cun ka thil tuah ding tlamtlinh manh asi ko tiah hnangam in tlai deuh kai thawh cu asi. Shinagawa Station(Immgration zung umnak) ka phanh hi 3:45 asi cang caah Taxi ka hlan i 3:50 hrawng phan kho dingin kai ruah. Azei bia!!! Taxi mawng pa cu hika hrawng hi ka hmunhma asi lo caah ati i a GPS te izoh pah buin a kal. 4pm asi tiang ah a ka phanhpi kho bak lo cu e. Na ka hloh bak ka ti i, biafak nawn, aw neem ttung, bia nek nawn in ka zai hnawh len. Kalsan tlai ti lo asi tiah, kir ko ne ka ti i Station lei cu kan panh tthan. Ka hmai a ka khaplo tuk ah Yen 2500 hrawng dih ding aman liam hlah a ka ti. Tuhnu cu na theih fianlo nak hmun le keimah bantuk thil biapi deuh na ton hna ah cun, sorry midang hlang ko uh van ti cang hna ka ti i kan itthen. Ka chunglei thinhan te cu a dam kho lo. Aka ciah deuhdeuh.
Ka ruah tthan tik ah keimah tu ka rak palh diam ai. Mifanau, thei ve na lo bu in heh tiah ai zuam len ve ko mi, bianek in ka hei ti len! Acaan, datsi, lungnuamh lo, hmaikhah lo etc.. pin ah ka bianek..aw...misual cu keimah heih kasi ko hi. Ka thinhan mi nih zeihmanh thleng kho len fawn hlah! Ahnu deuh i kairuah tik ah ni ngzak ngai ka si ti hi kai hmu ko nain, ka thin han caan le Ingpuan caan thengte ah khin kai remh hlei tawn fawn rua lo!!!
Micheu cu thinhan caan ah aukhuan, hrocer kan hmang. Bia fakfak le fahsak ding bia chim kan hmang ngai fawn hna. Ttha te ruah tthan ah cun, thinhang mi hi mi zaangfak taktak kan rak si. Vulei ai dawhnak a hmu kho lo i dam man ngei lo tluk khi kan si tikhawh asi. Hi bantuk 'Dak' tiah thinphawh hmannak hi zeitin dah kai remh khawh lai ti hi caansau nawn ka rak ruat bal cang nain kai harh ngaingai rih.
Lai egroups tete ah hin heh tiah bia fak ttial hmang um ttheu asi tawn. Hi bantuk caan ah hin, upa cheu khat cu zohdawh tein an thinhan nak an langhter tawn i kai tthathnem pi ngai tawn. Upa pakhat ka rak hal bel. Na biachim le cattial tete hi hawi nih kan in tluk lo nak te a um. Zeitin dah asi tiah ka rak hal. A ka lehmi cu, ka hmet lio ah Sunday school kai ka tlolh
bello. Cun, ka nu le pa nih chungkhar pumhnak an rak kan tuahpi peng i, ka pa nih a kan cawnpiak tawn, cu ruang ah cun tampi asi tiah a rak ka leh. Ka colhlan ngaingai mi bia asi. Rak itthanpi mi nunning le sining hi thinhan caan ah chuahter thiam le thiamlo arak si ngai te.Nun hi cawn peng hau asi. Cawn ti cu palhmi remh tthan lengmang khi asi fawn. Cuti si ah zeiruang bik ah dah kan thin hi a han? Ttha te van zohtthan ah cun,
1. Mah zawn lawng ruah hman nak ruang ah
2. Lungput thurhnawn cia i um ruang ah
3. Chunglei i a um mi thilttha tlawm tuk ruang
4. Hnulei zoh khawhlo le hmailei hmuh khawh chung lo ruang ah etc..
ti zong ah ruahnak fun khawh asi hnga.
Bia ngaite ti ah cun, caan tawite nunchung i a thin hang lengmang mi si hi cu rak duh ding hrim asi loh. Mi zaangfak tuk kan rak si hrim. Nuamte, panh zirziar te, lungthin thiang te a um mi cu an idawh tuk pin ah duh an nung tuk. Bible nih mah le mah uk khawhnak ati mi khi duak tiah voikhat ah hmuh cu sidawh asi rua loh. Cawn hau asi. Phil. 4:12 chung i Paul nih nuncan ka thiam cang, zei ca tiah 'cawnpiak' ka si caah ti khi Greek ah cun, μυέω ti asi i cawn cikcek ti khawh asi hnga. A um tu ning cu, Sui an huut i a hnawmmi mei i an khangh cikcek hnu ah sui tthatnak te a tan bantuk i, zirza lei nuncan remhnak lei khi hoih dawh asi.
Cu caah cun, nun hi cawng peng itimh ding zong asi. Kei zong mah le mah i uk khawhnak, thinhan ingpuan thiam te hna hi biatak in khuaruah, thlacamnak he lamthar ka zawh a hau cang ti hi ka fiang chin lengmang.
