Capo

Nai hrawng cu ka nih rumro a chuak ko. Ka ni lengmang, anuam taktak. Atanglei capo pawl hi, Forum chung ah Kawi Taal le Cehrep nih an ttial mi an si. Ka khawmh hna i, hi rel cio ding si ko...

#

Voikhat cu Hakha khualai ( laansung ) bak ah hmaifa le hngerhte ani si ciam mam i an angki bak in ani rawt ti asi. Khua upa deuh nih an chuah hnawh hna i " ziah mah tluk cun nan thin hun ve ve i na ni velh hnik" tiah an vun hal hna.

Hmaifa nih: "Nangmah thi dawp hmang te hna aka ti hrim hrim, puaisa ah maw a ka rel, hngerhte te hna bantuk in mi cini le tha-ngiah vialte ei piak hmang ka si lo, mi sapherh le buktlang zong i puak riangmang in inn tinpi hmang mi ka si lo" ati ti asi.

Hngerhte nih: " Cini fir hmang aka ti hrim hrim, Kala ah maw aka rel, athlum al ka duh cu atheih ko cu teh, amah hmaifa bantuk in mi hmuh lo nak ihkhun/puantlang karkip ah va thuh riang mang in mi thi dawp hmang ka si lo " ati ve ti asi.

Upa deuh nih an rem len hna nain an rem kho ti hna lo i an riantuan ti hawi le an va sawm ve ve i an hung chuak ti asi.

Hmaifa hawi le cu; palik,ralkap, sihni, biaceih bawi le lahwahkah hei ti le tha-nah-saing- ya-aci-ake hei ti an si i an tam lem lo nain pistol/motor/ camera'/suitcase / coat-necktie thatha he an hung chuah cio pin ah an hriamnam tha kho tuk ti asi.

Hngerhte hawi le cu; furpi ca eiding thaal ah lo aa thlawh cia zungzal mi Lai lei lothlo pawl lawng te an si i an tam ngai nain paiper/tuhmui/ namtong te he an ke bak in an hung chuak ti asi.
(Kawi Taal)
#

Vanram kainak kutka ah India pa, Tuluk pa, Kawl pa le Lai pa cu artlang tete in ani zul i pakhat hnu pakhat in Peter nih bia ahal hna ti asi. Abiahal mi hna cu a khat dih i cucu;

" Nang vuleicung na um lio ah zei sualnak dah na tuah sual bal mi a um ? ti asi

India pa: Dawr tuah mi ka si i thil ka zuar ah 10 man khi 100 ka hauh i an ka det hnu ah 90 kan thumh hna ti in ka hlen tawn mi hna sualnak hi ka rak tuah tawn ati.

Tuluk pa: Kei zong dawr tuah ka si ve i 100 man thil ka zuar mi khi piakhat zong tum duh loin sifak hna caw kho loin ka tuah hna i tamtuk ka rak miak mi hna hak kauh sualnak hi ka rak tuah tawn ati.

Arab pa: Vuleicung ah Muslim adohtu pohpoh thah dih ahcun vanram ah nungak virgin 72 na thit khawh lai an ka ti caah ka pum hi bom ah ka hman le minung tampi ka thah bal hna ati.

Kawl pa: Ka lu ka kongh le mi rawlhaal in ka vah ter i an ka pek pin ah ka hmai ah kupbil in ka um ter hna nain keimah bantuk lukawng he, rawl aka petu he ' kap dih hna' tiah order an ka pek caah ka thah dih hna ati.

Lai pa; " Ralkap nih an ka hrem nak ah ka ke hi akiak mi asi, ka nupi zong an tleihrem pin ah an thah rih i atu zong keimah hi hmuhnak poh ah thah ding in an ka kawl, ka sual bak lo nain sual an ka puh mi ka si " ati ti asi.

Midang pali cu biahalnak ( question ) ka tuah ning tein vulei ah sualnak an rak tuah balmi kong an ka leh dih nain 'ziah Lai pa ' nang hi sualnak na tuah sual mi zeidah asi tiah kan halmi asi ko nain nangmah thah anin timhnak lawng te hi ziah na ka chimh len?' tiah Peter nih avun hal than i " Ziah, atu hi vanram kainak ding resettlement interview asi lo maw ? " ati an ti. (Cehrep)

#Kan hawipa pakhat Mandalay Tuluk dawr ah thil acawk ah hin Kawlholh thiam mi hmanh nih kan det khawh bak lo nak dawr hna ah hin ava det khawh hna i kan zum lo i athlitein kan va zulh an ti. Anih thil det dan cu " aman hung ka thum deuh uh " timi khi " Nohsoh Pe Ba " ti in motor -nohsoh nohsoh ti i hnulei kir khi thil man det nak ah ahman le dawrtuah pawl an nihchuak tuk i aman an thumh lengmang ko an ti.

#Kan hawi le pahnih cu sio an caw i sio ti kha Kawlhholh in a min an thei ti lo le pakhat kha a bok le pakhat nih khan hri tein a hmur kam ah avun thlai i avun ei bak ah a dawh colh i dawrtuah pa nih sio cu an vun put tung ko an ti.

#Motor cit man hna khi "kaa khah"' ti chim thiam loin " kaa tanphu beloh le" kan ti sual i motor aman hi cu ting nga leng asi an kan ti i thla la awng in kan zuan lo lawng bak asi an ti.
(Kawi Taal)