Cheraw chheh hnawk
( The following article is taken from Vanlaini.org of Mizo Version. The writer is Vanneihtluanga, one of my favourite writers among the Mizo. His ability of exposing the
hidden darkness of Life in Mizoram is Super-wonderful :). Enjoy your reading!!!
(Saturday, 13 March 2010 07:12 Vanglain)
hidden darkness of Life in Mizoram is Super-wonderful :). Enjoy your reading!!!(Saturday, 13 March 2010 07:12 Vanglain)
Riahna pindan awm si lova ‘Hotel’ tih intár tam berna ram chu Mizoram hi a ni an ti a. Khawvela tualchher milar ngah ber ram leh, Mautam hlawkpui ber hnamte chenna ram an ti bawk. Kum zabi 21-na meuha lo vâta hàl la ching hnam hlawm zinga khawvela lian ber leh, silai mai duhtawk lova túr meuh hmanga nungcha suat thin primitive hnam hlawm lian khawvela awmchhun Mizote hian, Cheraw tel lo pawhin thang zawng kan chhuah mawlh e.
Cheraw kâna hming chher hi hmusit tur a ni lo. Economy tlusawp avangin kan thangtharte an zâm a. Mi zingah “Mizo ka ni” an ti ngam lo ta fo. Tunlai hian, thangthar hnena mahni hnam zahpui lova chhuantir theitu thil eng pawh - sual a nih loh phawt chuan - kan mamawh a ni. Chuvangin, a thatna laiah dawngsawng thiam ang u. NLUP min tiamtute tlin tawk a ni hrih. Cheraw hian a tha zawnga khawvel hriat hlawh nih harsatzia leh hautakzia leh beih hah tulzia min hmuhtir. Hei hi a lawmawm lai ber chu a ni.
Gospel Centenary hmangin khawvel hriat hlawh kan tum tawh a. Gospel hi tourism huanga market chi a ni lo tih kan zir chhuak. Internet lamah chuan, Gospel-a hriat hlawh tumte kha, Chakma leh Bru nék ch>pa, Burma raltlan deusawhtu anga khawvelin a hriat hlawh hnam kan ni ta. Chu maichama mei zawk chu a mit ta lo.
Engti zawng pawha mi hriat hlawh nih hian lukhawng leh sawhkhâwk a nei. Cheraw hmanga khawvel kan chibai rual hian, khawvel chuan, “Kan lawmpui a che u. In AIDS leh cancer vei figure-a hniam phah em? In economy a sàn phah em?” tiin kan chibai min chháng lêt tan ang.
He zawhna hi tu chhànah nge kan khêk le? Mihring cheng atanga teha sorkar hnathawk tam berna state leh, non-governmental organisation (NGO)-a government servant inhmang tamna ber state leh, nasa taka pay scale inang an inhausak hleihna state-a sorkar hnathawkte hian, kan nihna dik tak khawvelin
min hriatpui ta se, kan chhang ngam ang em?
Cheraw kâna kan hming chherna hian keini, mihring zat atanga teha kohhrana ‘rawngbawltu’ tam berna rama thlarau harhna dawng tam ber hnamte hi engtin nge min nghawng le? Tihdamna chang nasa ber leh ramhuai hnawtchhuak nasa ber hnamte hian, sermon ngaithlak tur tam berna leh, gospel camping tam berna ram hi piangthar da leh tam berna ramah kan chantir a ni tih hi, Cheraw-a thang kan chhuah rualin khawvel hian hre tel se kan duh em? Sakhaw thar hmanga mahni culture reh hlum tum nasa ber hnamte zinga mi kan ni a, chutiang hnam ngeiin cultural dance hmanga thang a chhuah ta hi kohhran hruaitu tan chuan ngaihtuah fe a ngai.
Zu hi chu kan khap miauva, khawvela zu quality nei chhe ber ram nih pawh a mawh lem lo. Dendrite atanga correcting fluid chena ruihhlova chantir theite chènna ram nih leh, khawvela proxyvon-a OD tam berna ram kan nihna te hi khawvelin min hriatpui tan dawn ta. Cheraw sawi apianga sawi tel an ni ve tawh ang. Zak tak i maw le?
Cheraw adjudicator hian, Cheraw mai en lo hian, kan Aizawl, city chhunga village council nei awmchhun leh, khawvela lirthei average speed hniamna ber khawpuia chengte hi min enchiang ta se, kawngpui sira kan gas bur ruak hun tlarte hi khawvela sei berah a puang nghal mai ang tih a va hlauhawm em! Heng chhinchhiahnate hian keini ‘ringtute’ hi a zui zel dawn si a, Cheraw chheh hnawk hi - ngaihtuah a ngai e.
- Vanneihtluanga
Cheraw kâna hming chher hi hmusit tur a ni lo. Economy tlusawp avangin kan thangtharte an zâm a. Mi zingah “Mizo ka ni” an ti ngam lo ta fo. Tunlai hian, thangthar hnena mahni hnam zahpui lova chhuantir theitu thil eng pawh - sual a nih loh phawt chuan - kan mamawh a ni. Chuvangin, a thatna laiah dawngsawng thiam ang u. NLUP min tiamtute tlin tawk a ni hrih. Cheraw hian a tha zawnga khawvel hriat hlawh nih harsatzia leh hautakzia leh beih hah tulzia min hmuhtir. Hei hi a lawmawm lai ber chu a ni.
Gospel Centenary hmangin khawvel hriat hlawh kan tum tawh a. Gospel hi tourism huanga market chi a ni lo tih kan zir chhuak. Internet lamah chuan, Gospel-a hriat hlawh tumte kha, Chakma leh Bru nék ch>pa, Burma raltlan deusawhtu anga khawvelin a hriat hlawh hnam kan ni ta. Chu maichama mei zawk chu a mit ta lo.
Engti zawng pawha mi hriat hlawh nih hian lukhawng leh sawhkhâwk a nei. Cheraw hmanga khawvel kan chibai rual hian, khawvel chuan, “Kan lawmpui a che u. In AIDS leh cancer vei figure-a hniam phah em? In economy a sàn phah em?” tiin kan chibai min chháng lêt tan ang.
He zawhna hi tu chhànah nge kan khêk le? Mihring cheng atanga teha sorkar hnathawk tam berna state leh, non-governmental organisation (NGO)-a government servant inhmang tamna ber state leh, nasa taka pay scale inang an inhausak hleihna state-a sorkar hnathawkte hian, kan nihna dik tak khawvelin
min hriatpui ta se, kan chhang ngam ang em?Cheraw kâna kan hming chherna hian keini, mihring zat atanga teha kohhrana ‘rawngbawltu’ tam berna rama thlarau harhna dawng tam ber hnamte hi engtin nge min nghawng le? Tihdamna chang nasa ber leh ramhuai hnawtchhuak nasa ber hnamte hian, sermon ngaithlak tur tam berna leh, gospel camping tam berna ram hi piangthar da leh tam berna ramah kan chantir a ni tih hi, Cheraw-a thang kan chhuah rualin khawvel hian hre tel se kan duh em? Sakhaw thar hmanga mahni culture reh hlum tum nasa ber hnamte zinga mi kan ni a, chutiang hnam ngeiin cultural dance hmanga thang a chhuah ta hi kohhran hruaitu tan chuan ngaihtuah fe a ngai.
Zu hi chu kan khap miauva, khawvela zu quality nei chhe ber ram nih pawh a mawh lem lo. Dendrite atanga correcting fluid chena ruihhlova chantir theite chènna ram nih leh, khawvela proxyvon-a OD tam berna ram kan nihna te hi khawvelin min hriatpui tan dawn ta. Cheraw sawi apianga sawi tel an ni ve tawh ang. Zak tak i maw le?
Cheraw adjudicator hian, Cheraw mai en lo hian, kan Aizawl, city chhunga village council nei awmchhun leh, khawvela lirthei average speed hniamna ber khawpuia chengte hi min enchiang ta se, kawngpui sira kan gas bur ruak hun tlarte hi khawvela sei berah a puang nghal mai ang tih a va hlauhawm em! Heng chhinchhiahnate hian keini ‘ringtute’ hi a zui zel dawn si a, Cheraw chheh hnawk hi - ngaihtuah a ngai e.
- Vanneihtluanga
No comments:
Post a Comment