Congrat! Rafael Nadal

Wow!! Australian Open Tennis cu a dih ruang mang ne ai. Ka tuak ning a hman, Nadal nih Federer cu a tei tak ko ai. Nadal caah A voi 6 nak Grand slam. Federer cu mitthli he, mifanau a celh ruam ve lo tutan a sungh cu. Sung hlah seh law a voi 14 nak Grand slam asi hnga. High light lawng ka zoh khawh hna i, zeiti tha apoi tak si. Chim ding tam tuk ka nei kho lo. Semi-final hi bawlung chuih zong ah azoh nuam cem ka ti tawn theo. Tutan zong a mak ko. Nadal le Fernando Verdasco kha zoh a nuam cem men lai. Suimilam 5:14 a rau i Tennis tuk vialte lak ah asau cem si an ti. Nadal cu running shot ah tlukawk a tha lo. Lakawk ttha ti lo timi pawl a lak khawh i point laknak ah ahman tawnmi ko khi a mak tuk. An serve mi a pint ning hi 212km/hr hna a phan ko e. Pawrh ah cun, a ball hmanh khi hmuh manh ding asi lo e ti awk tlak asi.

Nu ah Serena Williams a chanpion. Pa doubles ah Bryan te unau le nu doubles ah Williams te unau. Hi unau thuah2 hna hi an mak ngai hna. Pa hi mingo ve ve, nu hi minak veve, USA veve an si hna. Tutan cu Inida lei zong hani alang kho ve ai. Mix doubles ah Sania Mirza le Bupathi nih an lak ve ai. Sania Mirza hi zaangfak ngai asi. Muslim si kaw, bawngbi ching he tennis a tukmi dah kaw, India muslim pawl nih biatak in an buai pi cu e. Muslim court tiang phanh pi an timh. Ram chung ah cun tuk ka duh ti lo e ati phah, muslim pawl buai tuk hna kaw. Muslim pawl hi cu zaangfak cu an si ruam ko, an nu pawl hrim hi. Temtawn tu tamtuk an nei i Bawi Zisuh lawnglawng nih a phoih khawh hna.

Singapore ka rak tlawn lio ah haih, thil cawk ah dawr ka va kal i, ai tuam dih mi Muslim tleirawl te dawr hngak ka hmuh i bia ka va hal. Alum tuk lo maw, ziah nai tuam viar tiah ka hei ti ve hram. Alum pah tak ko nain, kai tuamnak hi apamte ati. Ziah tuamlo ah a tha deuh lo maw? Aa..ka biaknak nih a ka senh l e, ituam peng a hau ati. Aw..hi bak tiah, hmuansam in zalonnak, luatnak Bawi krih nih a kan peknak kong ka van chim. Ttha tein a ka ngaih piak. Kha nu te kha zeidek a hei lawh ve cang hnga, Zisuh Krih a rak tong thai ve hnga dek maw!!!!!!!!!!!!!!