Zungzal Nunnak
Adam nih chiattha hngalhnak thei a ei mi hi a sualnak nganbik ah ruah asi tawn. Keimah leikap in ka fian ve ning ah cun, chiattha hngalhnak thingthei a ei mi nak in, Nunnak thingthei a eilo mi tu hi a sualnak ngan deuh asi. Eden dum chung ah khan, Pathian nih 1. Thingthei dihlak 2. Nunnak thingkung le 3. Chiattha hngalhnak thingkung tiah a chiah piak ( Genesis 2:9). Zei
dang thingkung tlai hna cu a eikhawh dih ko nain chiattha hngalhnak thingthei lawng ei a thlauh. Genesis 1:26-30 kan zoh tik ah Adam caah Pathian nih a tinh piakmi cu, tefa tam pi neih i Vulei hi Uk ding le zohkhenh ding asi. Sermi ramsa vialte cung ah nawl neihnak zong a rak pek chih fawn. Cu vialte phen ah a um rihmi cu NUNNAK thei ei ding asi.
Greek holh ah 'Harmatia' -' sual' timi biafang nih sullam a neih chihmi pakhat cu tinhmi nganh ti asi. ( Strong-G264). Pathian nih Adam a tinhpiakmi, Adam nih a nganhmi cu Nunnak thei ei hi asi. Cu Nunnak thei nih a hmuhsak mi cu Zisuh Krih zungzal nunnak hi asi. Nihin zong ah Nunnak taktak Zisuh Krih hnolzau in zeidang tu kan ithim ah cun cucu kan tuahlo mi sualnak nganbik pakhat asi ve. John 3:16 chung ah fiang tein Pathian bia kan hmuh. Zisuh Krih cu zungzal Nunnak lawng silo in, Fimnak, tlamtlin nak, rumnak vial te a chung ah a um dih. ( Col.2:3)
Hawile hna, Bawikrih hi kan nunnak ah zeitluk tiang khi dek hmunhma kan hei neih ter cio hna?
Dawtnak hmual
Aliamcia kum 20 hrawng ah khan asi. Tokyo khua kil lei ah Cozah nih Innthar sak an timh caah a umcia mi thing Inn tete an tthet diahmah hna. Inn pakhat an ttheh i a vampang an boah lio ah Inntlawng laikeng hmete pakhat, Vam kar ah aphei zawn in thir nih a khenh chih nain a nung rih mi an hmuh. Zeitin dah a nunrih ning asi i, cu vam karlak ah cun thir nih a khenh chih ning asi hnga tiah an khuaruah a har dih. An vun ruah deuh tik ah, kum 10 luancia kha Inn an rak sak lio i arak cangmi asi kha an hngalh. Khuaruah har in an zoh ko lio ah, cu vam a van changtu Vam tang in laikeng hmete dang pakhat rawl iseh bu in a hawng mangmi pakhat an hmuh. Cu hlan chung vialte cu a hawile laikeng dang nih rawl an rak pek peng ti a fiang. ( Japan thing Inn pawl hi Vam phen an lawng hna). Zei tluk dawtnak ngan in dah thil nung hmete te hmanh an zawn an iruah. Dawtnak nih hin khuaruah har thil a tuah zungzal ko.
Adolf Hitler nih Europe Jews pawl hloh dih a timh lio hna ah khan, Poland Jews pawl zam itim in Lithunia Ram Kaunas khua ah itartahak in an rak um. Japan Visa laak in ramdangdang ah pem an rak i tim. Si nain, Japan cozah nih Visa pek an rak duh hna lo nain, Ambassador Sugihara timi pa nih an cozah nawl ngai loin, dawtnak le zaangfahnak ruang ah a mah nawl in a sin ra mi Jews vialte Visa a rak pek hna pin ah, Visa a pek manh lo mi hna caah tlanglawng in an kal pi cuahmah lio tiang in Nanmah tein rak ituah uh nan luatnak ding cu tiah a seal vial te a rak pek chih hna. Mi thong tam pi Nunnak a rak khamh hna. Japan cozah nih a rian zong an rak phuah phah. Mitam pi luatnak ding ah hmanrua pakhat te ka si khawh cu, ka cozah nawl ngaih lo zong ah, zeiti action an ka lak zong ah kai lungsi ko tiah a rak ti. Kum tampi a rauh hnu ah a rak khamhmi hna Judah pawl nih Tokyo ah an hawng kawl i an hmuh tik cu a rak tar ngaingai cang. A thih lai kum, 1986 ah Isreal cozah nih an ram chung upatnak sang bik an rak pek. Dawtnak le zaangfahnak mitin rian a rak ttuanmi hi upat lo awk a ttha hrimhrim lo.
Dawtmi krihfa hawidawt hna, Laimi tampi kan sining hi ttha tein izoh hna usih. Lam hmete ihmuhsak nak ding ah phaisa torlak ilak hna kan hmang. Dawtnak theih in lawmman hi cu kan ipek ding hrimhrim asi ko bu ah, luarpar kai in phaisa mitlawng in khua kan khan hi a tam cang. Human traffic programme in miram ah kan ikuat zong ka hmuh pah lengmang tik ah ka celh tawn lo. Dinnak le dawtnak in zeipoh hi tuah khawh asi ko bu ah, lih ttawn chom in cozah convince kan timh zong a tam tuk cang. Kan Nunnak ah Bawikrih nih hmun a neih taktak rih lo ruang zong ah asi kho men? Lam hman lo i kan kal sual asi ah cun nihin ah Bawikrih sin ah kir tthan hna usih.
Bawi krih chung ah hin zeizong vial te
a um dih. Lawmhnak, daihnak, tlamtlinnak etc..vial te... kei ka nunnak zong Bawikrih nih a ka thlen ve i, nang zong nan nunnak an thlen khawh ve ko.
Hawidawt, Bawikrih le a thawngttha bia theih chap na duh i, thlacam cah na duh ah cun, ntlian@yahoo.com ah ca rak kua te law zeizong vial te ti kho tu Bawipa sinah thlacamnak ka rak in neih piak ve lai. Bawipa nih thlachuahnak in pe seh law, na lam tluang hram ko seh.
" Khrih cu Pathian fimnak le hngalhnak aa thupmi hunnak tawh asi."
" In whom( christ) are hid all the treasures of wisdom and knowledge" Col. 2:3
(8th July, 2007 lio ah Chin Internet Ministry i thawngtha bia ka rak chim mi thlah tthanmi asi. Hmanthlak hi cu zohdawh ah ka tar sawhmi an si. Acung khi Zojo Temple le Tokyo Tower, achangtu hi Ambassador Chiune Sugihara le atangcem hi cu lenvah pah i ka thlakmi asi)
Adam nih chiattha hngalhnak thei a ei mi hi a sualnak nganbik ah ruah asi tawn. Keimah leikap in ka fian ve ning ah cun, chiattha hngalhnak thingthei a ei mi nak in, Nunnak thingthei a eilo mi tu hi a sualnak ngan deuh asi. Eden dum chung ah khan, Pathian nih 1. Thingthei dihlak 2. Nunnak thingkung le 3. Chiattha hngalhnak thingkung tiah a chiah piak ( Genesis 2:9). Zei
dang thingkung tlai hna cu a eikhawh dih ko nain chiattha hngalhnak thingthei lawng ei a thlauh. Genesis 1:26-30 kan zoh tik ah Adam caah Pathian nih a tinh piakmi cu, tefa tam pi neih i Vulei hi Uk ding le zohkhenh ding asi. Sermi ramsa vialte cung ah nawl neihnak zong a rak pek chih fawn. Cu vialte phen ah a um rihmi cu NUNNAK thei ei ding asi.Greek holh ah 'Harmatia' -' sual' timi biafang nih sullam a neih chihmi pakhat cu tinhmi nganh ti asi. ( Strong-G264). Pathian nih Adam a tinhpiakmi, Adam nih a nganhmi cu Nunnak thei ei hi asi. Cu Nunnak thei nih a hmuhsak mi cu Zisuh Krih zungzal nunnak hi asi. Nihin zong ah Nunnak taktak Zisuh Krih hnolzau in zeidang tu kan ithim ah cun cucu kan tuahlo mi sualnak nganbik pakhat asi ve. John 3:16 chung ah fiang tein Pathian bia kan hmuh. Zisuh Krih cu zungzal Nunnak lawng silo in, Fimnak, tlamtlin nak, rumnak vial te a chung ah a um dih. ( Col.2:3)
Hawile hna, Bawikrih hi kan nunnak ah zeitluk tiang khi dek hmunhma kan hei neih ter cio hna?
Dawtnak hmual
Aliamcia kum 20 hrawng ah khan asi. Tokyo khua kil lei ah Cozah nih Innthar sak an timh caah a umcia mi thing Inn tete an tthet diahmah hna. Inn pakhat an ttheh i a vampang an boah lio ah Inntlawng laikeng hmete pakhat, Vam kar ah aphei zawn in thir nih a khenh chih nain a nung rih mi an hmuh. Zeitin dah a nunrih ning asi i, cu vam karlak ah cun thir nih a khenh chih ning asi hnga tiah an khuaruah a har dih. An vun ruah deuh tik ah, kum 10 luancia kha Inn an rak sak lio i arak cangmi asi kha an hngalh. Khuaruah har in an zoh ko lio ah, cu vam a van changtu Vam tang in laikeng hmete dang pakhat rawl iseh bu in a hawng mangmi pakhat an hmuh. Cu hlan chung vialte cu a hawile laikeng dang nih rawl an rak pek peng ti a fiang. ( Japan thing Inn pawl hi Vam phen an lawng hna). Zei tluk dawtnak ngan in dah thil nung hmete te hmanh an zawn an iruah. Dawtnak nih hin khuaruah har thil a tuah zungzal ko.
Adolf Hitler nih Europe Jews pawl hloh dih a timh lio hna ah khan, Poland Jews pawl zam itim in Lithunia Ram Kaunas khua ah itartahak in an rak um. Japan Visa laak in ramdangdang ah pem an rak i tim. Si nain, Japan cozah nih Visa pek an rak duh hna lo nain, Ambassador Sugihara timi pa nih an cozah nawl ngai loin, dawtnak le zaangfahnak ruang ah a mah nawl in a sin ra mi Jews vialte Visa a rak pek hna pin ah, Visa a pek manh lo mi hna caah tlanglawng in an kal pi cuahmah lio tiang in Nanmah tein rak ituah uh nan luatnak ding cu tiah a seal vial te a rak pek chih hna. Mi thong tam pi Nunnak a rak khamh hna. Japan cozah nih a rian zong an rak phuah phah. Mitam pi luatnak ding ah hmanrua pakhat te ka si khawh cu, ka cozah nawl ngaih lo zong ah, zeiti action an ka lak zong ah kai lungsi ko tiah a rak ti. Kum tampi a rauh hnu ah a rak khamhmi hna Judah pawl nih Tokyo ah an hawng kawl i an hmuh tik cu a rak tar ngaingai cang. A thih lai kum, 1986 ah Isreal cozah nih an ram chung upatnak sang bik an rak pek. Dawtnak le zaangfahnak mitin rian a rak ttuanmi hi upat lo awk a ttha hrimhrim lo.
Dawtmi krihfa hawidawt hna, Laimi tampi kan sining hi ttha tein izoh hna usih. Lam hmete ihmuhsak nak ding ah phaisa torlak ilak hna kan hmang. Dawtnak theih in lawmman hi cu kan ipek ding hrimhrim asi ko bu ah, luarpar kai in phaisa mitlawng in khua kan khan hi a tam cang. Human traffic programme in miram ah kan ikuat zong ka hmuh pah lengmang tik ah ka celh tawn lo. Dinnak le dawtnak in zeipoh hi tuah khawh asi ko bu ah, lih ttawn chom in cozah convince kan timh zong a tam tuk cang. Kan Nunnak ah Bawikrih nih hmun a neih taktak rih lo ruang zong ah asi kho men? Lam hman lo i kan kal sual asi ah cun nihin ah Bawikrih sin ah kir tthan hna usih.
Bawi krih chung ah hin zeizong vial te
a um dih. Lawmhnak, daihnak, tlamtlinnak etc..vial te... kei ka nunnak zong Bawikrih nih a ka thlen ve i, nang zong nan nunnak an thlen khawh ve ko.Hawidawt, Bawikrih le a thawngttha bia theih chap na duh i, thlacam cah na duh ah cun, ntlian@yahoo.com ah ca rak kua te law zeizong vial te ti kho tu Bawipa sinah thlacamnak ka rak in neih piak ve lai. Bawipa nih thlachuahnak in pe seh law, na lam tluang hram ko seh.
" Khrih cu Pathian fimnak le hngalhnak aa thupmi hunnak tawh asi."
" In whom( christ) are hid all the treasures of wisdom and knowledge" Col. 2:3
(8th July, 2007 lio ah Chin Internet Ministry i thawngtha bia ka rak chim mi thlah tthanmi asi. Hmanthlak hi cu zohdawh ah ka tar sawhmi an si. Acung khi Zojo Temple le Tokyo Tower, achangtu hi Ambassador Chiune Sugihara le atangcem hi cu lenvah pah i ka thlakmi asi)
No comments:
Post a Comment